2022年10月29日星期六

馬鞍山至西貢 with 存叔叔 (昂平, 草原, 行山, 遠足)

今日由我帶兩個女去馬鞍山, 細妹要學劍擊, 今次早左幾個字到, 就入一入冒險樂園, 竟然撞到佢地阿媽, 係度玩緊, 仲中左個大公仔, 玩野, 一陣咪要拎上山, 之後係換左獎品, 老婆就囉佢訂左的叉電奶媽, 就閃去新港城會嫲嫲, 要幫佢寄信俾瑩瑩。

寄完信嫲嫲就去買野, 我地就入左冒險樂園玩, 裏面都無乜野好玩, 最後係掉彩紅, 俾我掉中三次彩紅, 換左個伊之助, 齊晒四個主角的咕臣, 玩完差唔多夠鐘就去湊細妹, 家姐死都要跟住老婆, 最後係一齊去湊, 後尾存存打黎, 約佢係Starbucks 搵住位先, 之後係Starbucks 食少少野, 就我同老婆一人拎一袋野預備上山去, 去之前仲要去Circle K 買埋野食野飲先, 又全部塞晒入劍撀袋同冒險袋, 之後Call Uber 坐大車直上鞍山探索館。

去到都係等存存影下相, 後尾有個草地位有露營枱櫈, 十分之Chill  老婆同大女就食埋隻糯米雞, 細妹就食薯片, 我同存存就影相, 都Hea 左好一段時間, 整埋蚊帶就執拾行裝開始出發上山。

條路就行到熟, 不過好耐無做運動, 都要抖好幾次, 一路帶頭都係兩個女, 仲一路行一路唱歌, 好快就上到個亭到, 可以坐陣休息下, 因為之後都唔算辛苦  好不容易就上到昂平喇, 呢度停留最耐, 因為好好風光, 存存要慢慢影相, 我同老婆就灘抖下食下野, 兩個女周圍行, 又玩狗又自拍, 仲煩住存叔叔要存叔叔幫佢地影相。 

夕陽依然高掛, 不過都知會落得好快, 影過夠玩個夠就要即刻閃人, 落山路段比較長, 雖然落無咁辛苦, 但都要急急腳落山, 預計未到石屎路就天黑, 去到竹林到就天黑, 好艱難先係背囊度囉支電筒出黎, 睇黎個擺位要轉變, 最後到左石屎路, 細妹攰要人抱, 好彩抱左一陣就到小巴站, 仲有幾張櫈可以坐低休息下  等左好耐先有車, 坐到去西貢, 就去麥記食野先走人  食完野俾兩個女扭要買哈佬喂衫, 最後著住咁走, 估唔到西貢哈佬喂氣氛咁好, 不過我地都要搭299 返沙田, 存存第一城落, 我地新城市落, 去左冒險執左兩隻公仔, 之後搭返巴士返屋企。

























2022年9月20日星期二

預期之內的iPhone 13 Pro Max 微距功能

好鍾意玩微距, 雖然質素一般, 但隨手就可以影實在係方便~ 不過新出的iPhone 14 Pro Max 都無提過微距, 不過像素提升左, 微距相質素應該相應提升, 不過未有機係手, 十分期待~