2018年11月24日星期六

天空這樣藍

今日下午大女要去學跳舞同學琴,出門前都偷小小時間落樓踩下單車,好好陽光,天空好藍,細女病了要留係家中,我就帶大女落去玩一陣,好天都不得了,影了幾張相。





2018年11月18日星期日

天氣不似預期

呢個週末天氣預報話會落雨,剛好大女要考試,等佢乖乖係屋企溫習,點知起身無耐窗外竟然出太陽,等佢溫多陣就落樓同佢地玩下曬下太陽。

 今日著上全副裝備黎踩單車

一人一套唔洗爭

竟然有藍天,去行山就正~

太陽時有時無,又唔熱又唔凍,不過都係唔記得帶露營椅出黎嘆~

細女的平衡車都玩得好純熟

2018年10月28日星期日

同陽光玩遊戲

今日天氣比昨日更好,再帶兩姊妹落黎玩,果然星期日係比較多人,周圍轉地方踩,又玩遊樂場,小朋友的世界好簡單,有得玩就得。

我就走到陽光底下晒下,太陽光線十分柔和,好舒服,下次帶埋張露營椅黎嘆下~

見到咁的天氣就忍唔住手影相。

香港地呢D 天色好難得,再加上一至五要返工都無得享受。

2018年10月27日星期六

做多些戶外活動

最近天氣轉涼了點,襯天氣好就帶兩個女去樓下踩單車,大女之前突然一試就識得踩單車,應該係玩過下平衡車的經驗令佢容易上手,學識左之後就自由自在地踩單車,十分享受,細女就玩平衡車,只要日子有功,應該都好快跟上家姐學懂踩單車的。

籃板彎成咁,即係唔使擦板。

早上人唔算多,可能是週六的關係。

天氣唔錯,間中仲會有陽光。

2018年10月1日星期一

白芒遊樂BBQ

今日會去大嶼山白芒燒野食,果度有山有水,難得可以親親大自然,臨出發都係決定帶埋大機(DSLR) 去影相,呢次醒目搭的士去青衣再搭地鐵入東涌,約左細舅父車我地入白芒,雖然黎過好幾次,但係俾小朋友玩水都係第一次,細女有幾聲咳,所以唔俾佢落溪澗玩,淨係大女同叔叔舅公玩,我就週圍影下相,舅婆同太公約魚,寫意的一天。

































大女玩完水返去屋外,太婆同屋主又清乾淨左個泳池仔,開始注水入去,俾兩個小朋友玩,起初只准細女濕下隻腳,唔可以濕身,後尾D水愈黎愈多,佢都無理浸埋個身入水玩,兩個小朋友玩得十分開心,大人們就開始燒野食,時間唔早,老婆幫佢地續一沖涼,再煮通粉俾佢地食,而我地都唔洗自己燒,太婆都用鐵網幫我地燒好,我就負責望實兩位小朋友。
















因為第二日要返學,我地玩到接近七點就走人,細舅父車我地出東涌,我地再搭去青衣轉的士,好快返到屋企,執拾沖涼準備明天的工作日返學日,好日唔用大機(DSLR)影相,影完返屋企過相突然壞咭,搵返陳年的救相程式,好好彩救得返大部份相,只有兩張花左~