2019年9月5日星期四

覆診執屋囉功課

一朝早起身趕去威記覆診,時間剛剛好,好快睇完就返康林,拎住一大袋野返去又要執一輪,無食早餐,返屋企時係樓下買左三件榚點,邊執邊食邊Backup web server,執完屋又有一袋野拎返錦英,又到午飯時間,搭火車去馬鞍山食飯,食完幫大女囉功課,之後返左錦英先再諗諗下午去邊。

囉功課途中見到藍天,忍唔住手影一影,今日其實只有短暫時間咁晴朗。

返到錦英,飯氣攻心訓左一陣,都係決定出一出去尖咀買衫,Patagonia新鋪開張會員有85折,坐巴士出去坐左成個鐘,去到K11 問客服,原來新鋪開左係新商場K11 MUSEA,第一次行,好昏暗好有格調咁,行左一個圈先搵到Patagonia,不過意外發現左間National Geographic 的鋪頭,對佢地個防水袋有意思,仲唔貴,不過最後都係無買,之後趕返馬鞍山食晚飯。

K11 MUSEA 其中一間精品模型鋪

K11 MUSEA 其中一間精品模型鋪

沒有留言:

發佈留言

注意:只有此網誌的成員可以留言。