2018年9月24日星期一

中秋BBQ@馬鞍山郊野公園燒烤場

中秋節正常放工時間實迫餐死,所以一早請左TIME OFF,食完午飯過一陣就走得,聽老婆講呢個時間搭巴士唔會塞,不過等左好耐先有車,返到屋企四點左右,媽媽都仲未執好晒D 野,我就開始執拾要帶上去的裝備玩具等等... 執下執下都原來好多野帶上去,媽媽約埋爸爸同細佬,我地執晒D 野落樓等,諗住等佢地到左截的士入黎,點知佢地行埋入黎,大家都心急趕住上去霸位,又CALL唔到車,又截唔到的士,主要係無綠的,紅的唔肯載。

最後細佬出返去巴士總站截,等左一段時間,我都唔耐煩行埋出去,試左兩架紅的都拒載,最後去綠的站等,排頭位的細佬有車,我坐入去一齊入村,放埋D 野,我同婆婆媽媽同細女上去先,爸爸細佬同大女再搭下一架車上。

的士坐到去水庫轉彎位,隔離線見到細舅父架車,原來封左路唔俾私家車上,除左原居民之外,舅父放埋佢地D 野入架的士度,搞掂之後再直上燒烤場,佢地截第二架上黎,但都係得四個人上到黎,細舅父仍然係下面再等車上。

上到去只有三四個爐位俾人霸左,可以叫做冷冷清清,中秋佳節封路封到無人黎咁濟,唔封路又爆到七彩,封路又協調唔到,個燒烤場無乜人但個停車場就滿左8成,原居民真係好惡,明明個郊野公園係大眾,但就投訢到最好無人黎,警察又唔識得協調好D,個場冷清到得人驚,無左個節日氣氛。

D 野多到走難咁~

整好天幕,整好太陽傘同燈帶,大家可以安心咁燒野食。

家姐擺款

 家姐擺款

細妹玩TAB

細妹玩TAB



今日帶左好耐燈籠上黎,但兩個女玩玩下唔玩,玩我支電筒。


家姐正餐食少少,之後就食零食。

細妹

一路都時晴時陰,不過都有不少時間睇到月亮。


古靈精怪的細妹

手機自動補光的自拍

手機自動補光的自拍

2018年9月17日星期一

山竹過後的工作天

2018年9月16日
十號風球打足一整日,一整日都待在家中,家人在看電視,我就執恰下家當,感受下大廈的搖晃,預備明天要返工的亂況。

2018年9月17日
因為學校停課,唔使湊女搭校巴,我和老婆如常返工,不過一落樓就見到周圍塌樹,無小巴搭,唯有行路落新港城...




















點知行到落黎新港城,連過海巴士都無得搭,有個巴士職員企係度,話未知幾時有車,短時間內都無,隨之就係群組內出現的馬鐵暫停,有之後有限度服務,再到大圍迫爆人。

我打消搭地鐵的念頭,有個懶醒的人提議我搭小巴去廣源搭村巴,聽左佢講搭小巴沿途都係塌樹,巴士根本行唔到,最後去到廣源一樣,周圍塌樹,亦都無巴士搭,最後返左康林家,又收到有過海巴士搭,但落到去等左好耐又無小巴,公司同事又催促我,最後請埋全日假,返上去執下康林呢邊D野。