2019年11月10日 星期日

香港童軍總會新界東地域20週年童行家樂徑籌款日 - 大尾督家樂徑

今日早上10點集合,時間唔算早,個個都精精神神出發,今次去大尾督家樂徑行,由馬鞍山去大尾督路程都唔短,但高速公路多,所以好快就到,細女今次無暈車浪。

到埗再集合派遊戲紙,都花左好多時間,因為有好多個團,所以要分批出發,船灣淡水湖主壩就去過好多次,但原來隔離有個家樂徑,就係斜路轉上主壩前行梯級上山,又係行一個圈同一位置離開。

上次圍水塘行一圈,無乜風景可言,今次有幾個觀景位,風景都好優美,路程又唔長,有上有落,好適合一家大細行,沿途要搜集資料答遊戲紙問題,因為有部份已經預先搵左答案,所以好快過左D Checkpoint,今次行得好快,嫲嫲又跟得上,行左一圈由入口離開,去左另一邊燒烤場集合,我就收返兩支行山杖,老婆同兩女就玩埋D 遊戲紙,齊晒人就坐旅遊巴回校,我地返屋企先沖涼休息,夜晚再出街食飯。