2019年8月25日 星期日

尋回二十年前的記憶

今日大女要去高山劇場彩排,我只係同朋友係好耐之前黎過一次,個環境係點個印象好模糊,只係記得大概位置係邊,明明預多左時間,坐的士去係九龍塘塞車塞到準時到達,衝忙間都唔知去邊度入,原來仲有新翼,後尾問左保安先知要去後台入口入,帶左大女上去交俾老師我就閃人。

期間有兩個小時空檔,冒住大雨我都離開高山劇場走去土瓜灣方向,因為我要搵返二十年前係土瓜灣返工食晏時經常去的一個商場,果度有間類似冒險樂園的遊戲中心,無後生仔玩,只有公公婆婆係度打𧄌,果時搵唔多錢一個月,我只會行商場,睇人玩,到後期我只會玩碌保零,因為搵到竅門可以打到好高分出多D票,一日最多玩一次,最後儲到少少票換下零食,不過係土瓜灣工作時間唔算好長,第一份工就係呢度做,不過做唔夠一年。

去到個商場真係廿年都無乜變,遊戲中心仲係度,當年的回憶一湧而上,但有無轉名我都唔記得,至於個碌保零就無左,其餘遊戲都同冒險樂園無乜分別,我依舊只睇不玩,不過今次影左幾張相。

除左呢個商場,仲記得北帝街好多野食,行過見到有間糖水鋪就坐低,食左個白果薏米腐竹,食完行兩步發現對面街有間冒險樂園,走左入去參觀下,二十年後,我已經變左呢類遊戲中心的忠實FANS,不過今次無玩,淨係換左個筆盒俾細女。之後就回程返去,好彩雨勢已經無咁大,因為無兜路,早左半個鐘返到去高山劇場,唯有打住機等大女放學。













2019年8月23日 星期五

一小時試新機Canon PowerShot SX70 HS

下午要帶大女去跳舞彩排,變相我有一小時時間空檔,見天氣好就帶左最近買的長炮DC 去試機,近近地就去隔離的馬鞍山公園影。

21mm wide shot, 解像力同畫質都同DSLR 無得比

今日個天好藍,但有煙霞,不過呢個角度影響不大




ZOOM 左少少,相片縮小左都仍覺得樹葉唔夠實




ZOOM盡晒,朦朦地係煙霞影響,解像力都不算太差,可接受,不過防震能力未夠強

烈日當空,無乜人行,只有踏單車和練跑步的人才經過

終於搵到雀仔影,當然一定無DSLR的散景同解像力

看呢張相都覺得可以接受,只係三千多的全能DC


試下營造散景,都唔錯

略嫌主體畫質未夠好

但係呢一張又唔差,有點近DSLR的感覺

呢張好難先對到焦落花蕊到

由呢張相睇到近主體拍攝的解像力好似好D

最後看到屋企樓下,有神光就囉相機影多張,有得ZOOM,可以避開好多野