2017年10月29日 星期日

BBQ@馬鞍山郊野公園燒烤場

一星期前約定舅父今日會上黎馬鞍山郊野公園燒烤場BBQ,心急的舅父11點幾已到馬鞍山,再車婆婆上山先,佢地早D 去霸位,我地就要等埋大女學完跳舞先搭的士上去,一朝早都忙過不停,我主要預備兩個女的外套,水,玩具同戶外裝備,帶左兩支光管燈上去以備不時之需,不過未叉好電,連忙趕住叉左去先。最後決定帶埋個行山背囊去,放兩個爐同埋防蚊裝備,電筒同頭燈。

老婆帶大女返黎,都差唔多一點,我地都執好晒野,立即同大女換衫就閃人,今次都有一車野加兩大袋野,行出巴士站截的士上山。好快就到,大約一點半鐘到燒烤場,D 車都已經泊出外邊馬路,裏面更加人頭湧湧,好多一家大小,好多小朋友,舅父霸左較入的位置,燒烤爐同枱的距離有點遠,因為近果個爐比較曬,我就開始放好防潮墊,擺好個沙灘營,放好D 野壓住野餐墊同防潮墊。

舅父佢地未食午餐,急急透爐開始燒野食,大女要做功課,細女就開餐,我就燒下野食先。

星期五六都去左玩,無時間做功課,唯有上黎郊野公園做功課。

無帶火槍,唯有用古法透爐

太陽猛烈,婆婆坐在太陽傘下乘涼。

沙灘帳篷好耐未出動過喇~

接近爆滿,好多人,不過手機鏡頭唔夠WIDE

黎個全景圖

另一角度,依然人山人海

努力中的大女,在媽咪篤促下,幸得叔叔們都幫拖~

 有好多字要寫。
呢個燒烤場隔離有個休憩樂園,大女結識到兩位姐姐同一位妹妹。

小朋友就係容易識到新朋友。

大女不斷跟住人地玩,玩到老豆姓乜都唔知~

 到我灘抖下~

仰望視角~

三位叔叔十分唔話得,幫手睇住大細女。

為食細女又食野~

係出面跑左咁耐,叫佢地係度打羽毛球。

細妹都想玩,不過太細,都係叫佢玩第二樣野。

2017年10月21日 星期六

終於一上昂平大草原

星期六的一個早上,兩個女先後去學英語拼音,見天朗氣清便向媽媽提議去行山,行上昂平大草原,等兩個女放學返黎,換好衫褲,帶齊裝備(最後都忘記帶行山杖),一點半左右先出門口,就落樓買麵包,再去後山截的士。為左減短要行走的距離,搭的士(其實有村巴可上去,不過一點鐘開出,下一班要等到四點)去到馬鞍山郊野公園燒烤場才開始行。

帶住兩個女上去,又得閒影下相,雖然只係係馬鞍山郊野公園燒烤場出發,都行左兩個鐘先上到去,不過實際路程比想像中容易,因為頭一半都係行車路,寬闊而平坦,之後就開始天梯之旅,主要係不斷行石級而上,去到馬鞍山郊遊徑同麥理浩徑4段的交匯處,有一涼亭稍作休息,此時已經望到昂平草原,之後再行一段起伏不算太大的山路就到昂平,去到風勢有時頗大,風景怡人,有好多隻牛牛,我們行上一處較高位置的草坡,吃點東西,欣賞下大自然,而就座落係面前的就是大金鐘山,不斷都有行山人仕來來往往,我們見有一定難度,所以無上去,因為時間都唔許可,吃完東西,休息一會,影影相,再去昂平營地探下路。

起步是平坦又寬闊的車路,主要給馬鞍山村村民的車輛和村巴使用。


雖然太陽算猛,但天氣十分清涼,小弟都沒有帶帽。

一路都係車路,車又不多,行得十分舒適~


雖然星期六,但行山的人都十分多,不斷有行山人仕超越我們。

沿路有點風,太陽猛,沒有蚊,十分寫意~

在石屎路行就比較少蛇蟲蟻,小朋友肚餓食個麵包。

仲係BB樣好得意的細妹。

馬鞍山郊遊徑起點


道路依然平坦,車輛仍然可以駛進來。


有兩個小山洞。


指示牌個要求都幾高,半小時就去到昂平~


佢飛飛下企定定係度,要影張沙龍,舉手之勞~

開始上斜


上山和落山的行山人仕都一樣多,証明好多人一早已經上山了。

未到三歲的細妹,要間唔中抱下。

行到好入都仲有建築物,不過唔知有冇人住。

間唔中都會囉手機出黎睇下Google Map,確定現時位置。

帶左1.5L 水,好多行山用品,風褸同埋最重要的單鏡反光相機。

開始進入爛石路,不過闊度仍然可以給車輛進入。

最後一處有較闊的泥沙地,有兩架車停泊係度,如果由呢個點上山更加輕易舒適。

沿路都有好多行山客,有上年紀,有後山仔女,單拖的都有男有女,佢地都追過我地,帶住小朋友都急唔黎,不過想早點上到平原,希望四點上到去,因要預留時間回程,因為開始日頭時間唔係咁長。

到左呢到,開始辛苦的石級之旅,右邊係居民的山水水源,有指示牌叫遊人唔好污染水源。

終於見到昆蟲,隻蜘蛛見到我就閃左去,個蜘蛛網又好難對焦,影左幾張先中。



到左天梯位置,嫲嫲同孫女影張靚相。

石級路都造得幾闊,相對十分安全,又較少青苔,小朋友都應付到。


大女全程自己上山,算叻女~

天梯兩邊大部份被樹林遮擋,終於有個開揚位,不過唔知係咩山。

行到一定路程,稍作休息~


天氣清涼,石級路大多數有樹蔭,飲水量不多不少。




到左馬鞍山郊遊徑同麥理浩徑4段的交匯處

沿途都無垃圾筒,不過暫時垃圾不多。

係呢度經已可以望到昂平。

由呢處凹凸的爛泥路行落去,好快就去到昂平。



行前少少就已經到昂平。

急不及待,去左個凹位度影西貢海例景~


大女搶左相機幫我地影相。



望到白沙灣,可惜有煙霞唔夠清淅。

再行上D,景觀仲好,下面唔會有野阻擋。


開餐,有牛奶、麵包、熱浪、出奇蛋和汽水糖。

氣勢磅礡的大金鐘。

原來大金鐘都幾有氣勢,但睇落行上去有點難度,唔方便帶小朋友上去,有機會下次會自己上下去。

補多張,依舊有點白朦朦。

係度食野,灘抖左好耐,係時候閃人~



"依"起棚牙笑的細妹。

因為有煙霞,手機同大機的分別不大~

手機影的全景。

好多人都望住風景休息。

差唔多閃人了,去觀景台同營地看看。

臨走前用手機補影幾張相,順光影靚D ~

嫲嫲唔敢行咁出,同孫女影下個例景~


叫媽咪同我補返張到此一遊。

呢張企定了~

有人睇緊,影下相先~

有晒全景看到的地方介紹。

原相可以睇清楚D 字,不過大部份都認識~

經常發出聲音的大牛牛。

昂平草原附近已有指示牌提示露營地點的方向。

依指示牌方向進入,有一小路。

行十數步已到營地門口。

門口樹立了露營守則的牌。

都有數個營在此,草地十分完整,証明遊人不算多。

有零星的設施,不過算是破舊。

旱廁安排在遠遠另一位置,避免臭味影響露營人仕。

最後在門口再影一張全景,地方不算太大,但勝在人流稀少。

好快落完石級天梯,風景較開揚,影相逆光照。

落山速度快好多,黎到呢度仲有日光,帶住小朋友真係唔想摸黑落山。

行到黎呢度剛好見到太陽落山的咸蛋黃。

嫲嫲又幫孫女影靚相。

諗住沿路一路行返出郊野公園燒烤場,中途見到有村巴駛入黎,我地截佢無反應,應該一陣會再開出,最後途經NR84 村巴站,我地就係果度等,無出到去燒烤場,不過好多蚊,好彩有帶蚊帶擋一擋。接近六點,村巴終於到了,好彩仲有位坐,搭到新港城食飯去。